Maayong adlaw sa tanan, Panalangin og Himaya diha sa Ginoo lamang.
Ang mga panghitabo sa akong kinabuhi niining simanahona grabe ka kulba og hinam kaayo. Katung ni-aging tuig 2019 nagpa-enroll ko o isa ko sa scholar sa TESDA para sa Driving NC II , pinaagi sa tulungha-an sa ABCCA sa Divisoria sa dakbayad sa Cagayan de oro city, nagtoon mi sa paagi sa insakto nga pag-maniho sa usa ka sakyanan og nibuhat sa aktwal nga pag maniho niini sa sulod sa duha ka bulan, ug wala damha ang mga panghitabo sa Pandemya nga mao ang COVID-19, ug didtu wala na mi tuguti sa pag-adto sa tulunghaan, na-undang ang among pag-skwela ni-adtu, ug tungod sa usab- usab pud nga paagi sa kinahanglanon o requirements sa pagpa-assess tungod kay matud sa uban nga dili pwede kung walay (student permit) nga mapakita, nisamot nga nawad-ad ko og gana o interes sa pagpadayon.
Pero kadtung ika 16 niini nga bulan sa Octobre 2021 gatawagan ko og kalit sa akong mga kaubanan nga mag-assessment na daw og ako nalang ang gihulat, nakurat og gikulbaan ko tungod kabalo ko nga wala gyud koy ika tubag tungod sa kadugay na sa panahon ug nagpasalig akong mga kaubanan nga walay problema daw kay bisan sila wala pud silay ikatubag ...in short damay damay na ug naka-ingon ko nga basin matagaan rako nila ug tubag. Pag-abot nako didtu, tood man 20 minuto na silang naghulat nako, diritso na dayon sa pag-Exam ug sa dihang wala nay makalingi sa ako tungod duha ang galantaw sa amo, naai sa likod ug atubangan mao nang wala nakoy makuhit, isa ka butang nga nakahimo ko ug ampo sa Ginoo kay kabalo ko wala gyud koy matubag adtung higayona, pero salamat sa Ginoo tungod niya nakapasar ko sa akong written exam, Ug ikaduhang hugna sa among Exam mao ang Oral recitation, ug samot gikulbaan ko tungod kay wala gyud ko kabasabasa mahitungod sa mga bahin sa sakayan, pero salamat sa Ginoo tungod kay kining mangaliya kas Ginoo ipadomdom ka niya sa mga nakat-unan nimo kani-adtu pa ug nakapasar napud ko, sa ikatulo nga bahin ang aktwal nga pagmaniho sa sakayan. Sa sige ko lantaw sa nag-una kanako ang uban wala gyud katunong o dili gyud makimo tungod kulang gyud mi sa pag insayo ni-adtu pero sige lang ko paminaw sa ila mga storya unsa angay buhaton ug akong gitiman-an ang tanan pero akong problema kung kabalo bako ani kung ako na ang muhimo ini. Ug sa dihang gatawag na akong ngalan grabe nga kurog sa akong mga tiil og kamot pero wala lang ko nag pahalata tungod kay wala nakoy mahimo ini tungod kay ako naman gyud ang gitawag, ug nagpasalamat ko sa Ginoo tungod ky wala gyud ko niya pakyasa o paka-ulawi atubangan sa tanan nga naa didtu labi na sa among mantutudlo ug nahimo nako ang tanan sa insakto gayud.
Ug sa katapusan niresulta og postibo alang kanako tungod kay nakapasar ko sa hagit adtung adlawa, naka-ingon akong mga kaubanan nga grabe gyud dw nakong bansay pero ako silang giingnan nga wala mn gani koy sakyan bisan motor, mao nang natingala sila nganong nakuha nako to o nakabalo ko atu nga wala man kuno koy bansay bansay?, pero sa hilom gipasalamatan nako ang Ginoo tungod kay siya gyud nakapanglihok adtung higayona sa akong kinabuhi, bisan tood daghan gyud sa amo ang nabagsak o wala makahimo.
Sa katapusan gipadomdom ko sa Ginoo sa bersulo sa libro sa Filipos 4:13 "mahimo ko ang tanan diha kang Kristo tungod siya man ang naghatag kanako og kusog ug gahom." mao nang kinahanglan sa tanan panahon ang atong kompyansa diha ragyud kang Kristo Hesus, ayaw ug salig sa imong kaugalingong kahibalo.
Salamat sa pagbasa hinaot napanalanginan ka sa akong Testimonyo pinaagi niini. Ang Dios manalangin natung tanan ug IYA ang Himaya!!
#RTCTagoloan
No comments:
Post a Comment