"Bag-ong Opportunidad"

 

Maayong adlaw sa atong tanan!

Sa matag adlaw sa atong mga kinabuhi nag-ampo ug naninguha gayud kita og oportunidad para maka-lambigit kita sa lain-lain paagi nga maka-hisgot kita sa atong mga opinyon og kahibalo mahitungod sa atong mga kinabuhi o pagkinabuhi labi na sa Espirituhanon nga bahin. Niini nga simana dako og pangandam nako tungod sa tahas sa oportunidad sa eskwela og sa Stasyon sa Radyo tungod naay isa sa mga kaila nako nga Pastor nga si Ptr. Elmer Ocasla nag-hagit kanako nga mupahat sa Pulong sa Ginoo sa Power Radio Villanueva 97.9 niini nga simana ug dako kaayo akong pasalamat sa Ginoo tungod mahimo na natu ang lapad-lapad nga pagsangyaw o pagsulti sa Pulong sa Ginoo. Hagit kaayo kanako kining buluhatona tungod sa wala ta naanad pero buhaton gihapon alang sa kahimayaan sa Ginoo. 

Naghisgot ko ganina sa bahin sa Pulong sa Ginoo diha Mateo 16:21-23, mahitungod sa pagka-determinado ni Hesus sa iyang trabaho og sa iyang tawag nga nahisgot niini nga bersikulo, mao nang hagit sa tanan nga matapos gayud nato ang tanan kong determinado kita sa atung mga pangandoy.

Ug sa bahin sa akong pagtuon sa akong eskwela, nagpabilin gihapon sa pag-paningkamot mopadayon niini nga pagtuon kay hunahunaon gayud nato kini nga alang lamang kini sa atung kaayuhan ug katumanan sa atung mga pangandoy, sa Dios and Himaya.

Sa katapusan akong gi-awhag ang tanan nga muhatag kita ug higayon sa pagtuon sa Pulong sa Ginoo, kay tungod sa Pulong sa Ginoo naa diha usab ang tanang kaalam ug kahibalo. Pabilin sa pagkamatinud-anon sa tanang maayong paagi kay panalanginan ka sa Ginoo niini, kita Siya sa imong hago ug paningkamot. Ang Dios manalangin natong tanan.

Kung ang pagpangandam og oportunidad mag-abot sa isa kahigayon -- Mulampos gayud kita.